Don

Wat ass eis Zil ? D’Fondatioun Wonschstär huet sech zum Zil gesat eise Matmënschen, déi hiert alldeeglecht Liewen opgrond vun engem Schicksalsschlag extrem erschwéiert kritt hunn, ze hëllefen an hinnen e Wonsch ze erfëllen. Esou versiche mir de Läit erëm Motivatioun fir Zukunft ze ginn an e Laachen an d’Gesiicht ze zauberen.
	U wie riichte mir eis? Mir riichten eis un Läit aus all Alterskategorie, déi a Lëtzebuerg an an der Groussregioun wunnen, eng Krankheet oder Behënnerung hunn, en Accident haten oder sech an enger anerer schwéierer Situatioun befannen. Eisem Grondgedanken entspriechend soll jiddereen d’Méiglechkeet hu «seng Dreem ze verwierklechen».
Wat ass däi Wonsch? Mir hunn natierlech ganz vill Méiglechkeeten a Virschléi wat ee sech wënsche kann. Dëst kann z.B. e materielle Cadeau, eng Rees, eng Renconter oder en Event sinn. Och eppes wat engem den Alldag erliichtert kann een bei eis ufroen. Eigentlech ass der Fantasie keng Grenz gesat a mir versichen eis Méiglechst all Wonsch ze erfëllen.